[东方报]西甲：艾爾切如臨大迪等交學費[08-18]

今晚西甲獨腳戲，新升班球隊艾爾切主場迎戰貝迪斯。貝迪斯上季表現有驚喜，雖然球隊今夏有唔少變動，不過整體實力仍屬西甲前列，加上主帥「工程師」比歷連尼經驗老到，要打響頭炮唔難，艾爾切人腳所限，升班後都預咗要交下學費先，客勝可以放心捧場。（Now 633周二凌晨3時直播）

貝迪斯成績勁穩定
貝迪斯季前有安東尼馬菲奧斯及莊尼卡度素等主力離隊，同時引入洛迪高列基美、尼爾遜迪奧沙等猛將，戰鬥力可望維持，最重要係比歷連尼執教下，球隊近年表現極穩定，過去5季都排喺第5至7位，球隊季前連踢多場熱身賽，狀態亦唔成問題。

艾爾切以西乙亞軍資格升班，不過季前冇太多增兵動作，連主將馬卡奧都走埋，以現時人腳未必可以即刻適應到西甲嘅強度。睇番雙方近4次對賽，貝迪斯贏咗3次，今場捧客勝為妙。